Ten Hag atandise na kulabula Man City ne Liverpool
Nicholas Kalyango
Journalist @Bukedde
OMUTENDESI wa ManU omuggya, Erik ten Hag ebbugumu ly'agenda okwongera mu ttiimu eno ne Premier sizoni ejja alitandikiddewo bw'alabudde Man City ne Liverpool ezibadde zeefuze liigi eno.
Stones owa Man City ne Mane owa Liverpool nga battunka. Ttiimu zaabwe zibadde zeefuze Premier.
Mu lukung'aana lw'abaamawulire lwe yasoose okutuuza eggulo (Mmande), Ten Hag yagambye nti tazze mu ManU kuyisa bivvulu wabula azze kuwangula.
"Buli mulembe gubeera n'ebyagwo ate guyita. ManU yalina omulembe gwa Fergie ne guvaawo kati nze aliwo. Nzize kukomya jjoogo Man City ne Liverpool lye babadde baleese mu Premier," Ten Hag bwe yagambye.
Yavudde mu Ajax ey'e Budaaki. ManU mw'azze, yamalidde mu kyamukaaga n'obubonero 58 nga yakubiddwa omupiira ogwasembyeyo (Crystal Palace 1-0) era ne Europa yabadde ebalemye singa West Ham teyasumagidde ku Brighton.
No Comment